Zum Inhalt springen

Runzlebieger, syt 56 Joor drby

Ussere Waageclique entstande, hän mir is zue-n-ere etablierte Pfyffer- und Dambuuregruppe entwigglet mit aggtuell:

8 Pfyfferinne
4 Dambuure
1 Major
7 Vordrääbler/inne und
2 Ladäärnezieherinne

Mir pfläge die fasnächtligge Traditione mit allem Drum und Dra: Goschdyym, Larve, Ladäärne und Requisite kreire mir jewyls sälber. Am Riehenring isch unsere Käller, dert sinn mir Dehaim und dert finde au am Mittwuch d’Iebigsstunde statt.

An dr Fasnacht 2024 laufe mir in Cliquepartnerschaft mit de Grottegyggser.

Underem Joor isch au viel los. Ass s Gsellschaftligge näbe dr Fasnacht nit z’kurz kunnt, finde  Aaläss statt  wie Spargle-Ässe, Summer- und Herbschtwanderige, Iebigsweekend, Glaibasler-Källerabstyg, Jassturnier, Wiehnachtsässe, Schi-Weekend.