Ussere Waageclique entstande, hän mir is zue-n-ere etablierte Pfyffer- und Dambuuregruppe entwigglet mit aggtuell:
6 Vordräbler
1 Major
3 Dambuure
8 Pfyfferinne
Mir pfläge die fasnächtligge Traditione mit allem Drum und Dra: Goschdyym, Larve, Ladäärne und Requisite kreire mir jewyls sälber. Am Riehenring isch unsere Käller, dert sinn mir Dehaim und dert finde au am Mittwuch d’Iebigsstunde statt.
Underem Joor isch au viel los. Ass s Gsellschaftligge näbe dr Fasnacht nit z’kurz kunnt, finde Aaläss statt wie Spargle-Ässe, Summer- und Herbschtwanderige, Iebigsweekend, Glaibasler-Källerabstyg, Jassturnier, Wiehnachtsässe, Schi-Weekend.
Mir wärde zämme älter und drum au immer weniger und wurde gärn in ere Clqiuepartnerschaft oder au mit einzelne Fasnächtler und Fasnächtlerinne Verstärkigg beko. Interessierti Gruppe oder Einzelpersone mälde sich doch eifach bi unserem Obmaa.